Ab nach Näbike im Partybus,
Do geht’s bestimmt kei Verdross.
De Obe iglütet met emene Bierli ,zwöi oder drü
Do send d’Fasnachtjäger voller Füür.
De Fasimärt esch scho i vollem Gang,
dass ghört mer scho vom volle Klang.
Do in Lozärn müemer eus weder mou bewiese,
das Zäut wärdemer schon no met Musig zerrisse.
D’Spannig stiegt, fascht jede grifft zo sim Instromänt,
Tschägerea bummm do zeteret d’Wänd.
Es fägt, tschäderet und s’Jagdfieber stiegt,
und ned nur ei Schweissperle fliegt.
En Bronzschrei goht dorch d‘Rondi  Jeah d’Jäger hends gschafft
De Sound chunt ah und mer hend no vörig Chraft.
De Rhythmus geit nachem Uftrett grad go verlade,
das chönt de Blöser ou mou ned schade.
Gmeinsam no eis go schnappe,
hoffe geht ned zvöu volli Chappe.
Hei geits met glöckleche Gsechter,
das geht weder tolli Gschechte.
Ab in Partybus tschüss Wasserschlossfäger,
eh eh sorry was sägi ou Fasnachtsjäger!

Fotos von diesem Anlass findet ihr hier.